Azərbaycan Latviya ilə heç-heçə oynadı

Sankt-Peterburqda Valentin Qranatkinin xatirəsinə həsr olunmuş 17 yaşlı gənclər arasında beynəlxalq futbol turniri keçirilir.

 “C” qrupunda mübarizə aparan Azərbaycan yığması ilk oyununda Latviya millisi ilə qarşılaşıb. Oyun 1:1 hesablı bərabərliklə bitib.

Hesabı 40-cı dəqiqədə Azərbaycan millisi açıb, Pilaqa Mextiyev fərqlənib. Lakin beş dəqiqə sonra latışlar matçda bərabərliyi bərpa ediblər.

Bu qrupun digər oyununda Sloveniya Bolqarıstanı məğlub edib - 4:1.

Yanvarın 6-da yığmamız Bolqarıstanla, 8-də isə Sloveniya ilə qarşılaşacaq.

Hər qrupdan yalnız bir komanda yarımfinala vəziqə qazanacaq.(oxu.az)

Ölkə.Az