"Qarabağ"ın futbolçusu Hollandiya klubunda

Bu il "Qarabağ"a transfer olunan hollandiyalı futbolçu Raydel Pupon ağdamlılarla yollarını ayırıb.

Ölkə.az-ın məlumatına görə, futbolçu karyerasını Hollandiyanın "Roda" komandasında davam etdirəcək. Ancaq oyunçunun trasfer hüququ Ağdam təmsilçisindədir. Belə ki, o, "Roda"ya mövsümün sonunadək icarəyə verilib.

"Roda"nın idman direktoru Ton Kaanen bu transferi belə dəyərləndirib: "Pupon Eredivizyanı yaxından tanıyan futbolçudur. O, güclü hücumçu olduğunu sübut edib. Pupon kimi forvarda ehtiyacımız var. Bu transferdən çox məmnunam".

İntiqam VALEHOĞLU

Ölkə.Az