Əfsanəvi qapıçı intihara cəhd etdi

Kolumbiya yığmasının keçmiş qapıçısı Farid Mandraqon intihara cəhd edib.

44 yaşlı Mandraqon xeyli dozada antidepresant dərman qəbul edib. O, ağır vəziyyətdə xəstəxanaya çatdırılıb və hal-hazırda müalicəsi davam etdirilir.

Əfsanəvi qapıçı intihara cəhddən əvvəl şəxsi İnstagram hesabında kiçik qeyd də paylaşıb:

“Öz həyatım haqda qərarı yalnız özüm verə bilərəm. Və ətrafdakıların məni günahlandırmağından yorulmuşam, özümü qorumaq imkanım yoxdur”.

Lakin az sonra Mandraqon bu qeydi silib.

Xatırladaq ki, Mandraqon Türkiyənin məşhur “Qalatasaray”, İspaniyanın “Saraqosa”, Almaniyanın “Köln” klublarının şərəfini qoruyub. O, 2014-də ildə öz karyerasını doğma klubu “Deportivo”da başa vurub. (Qafqazinfo)

Ölkə.Az