"Qarabağ" üçün pis xəbər: Əgər bunu etməsə... - Çempionlar Liqası
Ölkə.Az-ın məlumatına görə, bunu futbol analitiki, "Üçdördüç" kanalında çıxışları ilə tanınan Cavid Zaidov bildirib.
Onun sözlərinə görə, “Nyukasl”ın daha bir üstünlüyü sol cinah yüklənməsidir: "Baş məşqçi Eddi Haun oyun fəlsəfəsində sağda balanslı, solda isə rəqib üçün xaotik və dağıdıcı oyuna üstünlük verir. Bunun da 3 elementi sol cinah müdafiəçisi olan Luis Hol, sol cinah yarımmüdafiəçisi olan Colinton və ən əsas pressinq maşını olan və bütün pressinqi, hərəkəti başladan Antoni Qordondur. 9 nömrə mövqəyində isə “Nyukasl”ın bizim üçün potensial 2 sürprizi var: biri Niko Voltemade, o biri isə Vissadır. Voltemadenin boyu 1,98 olsa da, başla bitiricilikdə o qədər də mükəmməl deyil, amma ayaqları idealdır. Vissa isə haradasa Kamilo Duranla müqayisə oluna bilər, o rəqibin mərkəz müdafiəçilərinə pressinq etməkdə ustadır və pressinqin başlanığıcının bir növ triggeridir".
Analitikin fikrincə, “Qarabağ”ın eyni zamanda “Nyukasl”a qarşı kifayət qədər ciddi şansları var:
"İngilis klubunun böyük eybi ondan ibarətdir ki, komanda avtobus park edən (müdafiə) rəqibə qarşı oynaya bilmir, onun müdafiəsi qarşısında aciz qalır. “Nyukasl”ın buna qarşı sadəcə olaraq primitiv asmalardan başqa hər hansı bir əlacı olmur".
C.Zaidovun analizinə əsasən, əgər “Qarabağ” qısa paslarla qapıdan çıxmağın əvəzinə bunu bir qədər azaldaraq vertikal oyun oynamaq istəsə, yəni oyunu bir qədər sadələşirsə, “Nyukasl”ı çox ciddi şəkildə cəzalandıra bilər: "Çünki bu halda həm “Nyukasl”ın vertikal paslara olan həssaslığı üzə çıxır, həm də ki, pressinqi darmadağın olur. Qapıdan qısa paslar isə “Nyukasl” üçün ən böyük hədiyyə olar. Çünki bu zaman onun intensiv pressinqi işləşir".
Miri
Ölkə.Az
