Nəriman ABŞ-də nə qədər qazanacaq? - "Qarabağ" yenə gəlir əldə edəcək

Ölkə.Az xəbər verir ki, onun MLS təmsilçisində qazanacağı maaş məlum olub.

Sportinfo yazır ki, N.Axundzadə burada ilk mövsümündə 1 milyon dollar məvacib alacaq.

Növbəti sezonlarda isə bu rəqəm bir qədər də artacaq.

Qeyd edək ki, gənc futbolçu "Qarabağ"da ayına 12 min manat maaş alırdı.

Bundan əlavə "Qarabağ" klubu Azərbaycan millisinin futbolçusu Nəriman Axundzadənin növbəti satışından da gəlir əldə edəcək. "Report" yazır ki, bu, ABŞ-nin "Kolambus Kryu" komandasına keçən 21 yaşlı hücumçunun müqaviləsində əksini tapıb.

MLS klubu azərbaycanlı forvardı başqa kluba satsa, məbləğin bir hissəsi "atlılar"a veriləcək.

Xatırladaq ki, Nəriman Axundzadənin "Kolambus Kryu" ilə sözləşməsinin müddəti 2029-cu ilin yayınadək nəzərdə tutulub.