Ronaldoya niyə qadağa qoyuldu?
"Real"ın hücumçusu Kriştianu Ronaldunun müntəzəm olaraq Mərakeşə səfər etməsinə qadağa qoymasının təfərrüatları məlum olub.
Ölkə.Az-ın Qol.az-a istinadən verdiyi məlumata görə, portuqaliyalı futbolçunun kikboksçu dostu Bard Harini görmək üçün tez-tez Mərakeşə səfər etməsi klub rəhbərliyini narazı salıb. Komandadakı nizam-intizamı qorumaq istəyən və klubun imicə xələl gəlməməsinə çalışan rəhbərlik Ronaldudan Mərakeşə səfər etmək vərdişindən əl çəkməsini tələb edib.
Hətta "Real"ın prezidenti Florentino Perez Mərakeş kralı VI Muhəmməddən Ronaldunun qadağanı pozacağı təqdirdə ona məlumat verməsini xahiş edib.
Qeyd edək ki, dekabr ayının əvvəllərində Ronaldunun bazar ertəsi və cümə axşamı keçirilən məşqdən sonra şəxsi təyyarəsi ilə dostu Harini ziyərət etmək üçün Mərakeşin paytaxtı Rabata uçduğu haqda xəbərlər yayılıb. Futbolçunun səhər məşqinə yetişə bilməsi üçün yalnız gecə Madridə qayıtdığı bildirilirdi.
Eyni zamanda, Ronaldunun homoseksual olduğu və dostu Bard Hari ilə eşq yaşadığı iddia edilir.
