"Qarabağ"dan portuqaliyalı futbolçuya təklif: 1.5 milyonluq transfer
Azərbaycanın "Qarabağ" futbol klubu heyətini yeni legionerlə gücləndirməyi planlaşdırır.
Ölkə.Az "Azerisport"a istinadən xəbər verir ki, bu barədə Portuqaliyanın "A Bola" nəşri bildirib.
"Atlılar" hazırda Portuqaliya yüksək liqasında "Kaza Piya" klubunda çıxış edən müdafiəçi Joao Qularta təklif göndərib.
Həm portuqaliyalı mərkəz müdafiəçisinin, həm də klubunun hazırda daha çox elitada qalmaq mübarizəsinə diqqət yetirməsinə baxmayaraq, "Kaza Piya" rəhbərliyinin futbolçunu 1 500 000 avro qarşılığında buraxmağa hazır olduğu bildirilir. Bundan əlavə, transfer baş tutarsa, Qulartın "Qarabağ"da hazırkı maaşından əhəmiyyətli dərəcədə yüksək məvacib alacağı qeyd olunur.
26 yaşlı Qulartın klubu ilə müqaviləsi 2026/27 mövsümünün sonuna qədərdir.
