Messidən balaca Mürtəzaya böyük dəvət
Leonel Messi polietilen paketdən düzəldilən Messi forması ilə gündəmdə olan 5 yaşlı əfqanıstanlı Mürtəza Əhmədini və ailəsini İspaniyaya dəvət edib.
Ölkə.az xəbər verir ki, Əfqanıstan Futbol Federasiyası Messi fanatı olan Murtaza adlı uşağın məşhur furtbolçu ilə görüşmək üçün Barcelona klubu tərəfindən dəvət edildiyini bildirib.
Paketdən Messi forması düzəldən və sosial mediada gündəmə gələn uşağın bir çox iddialardan sonra nəhayət ki, əfqanıstanlı olduğu ortaya çıxıb. Böyük qardaşı olan Haman şəkilin 45 gün öncə Əfqanıstanın Coğori bölgəsində çəkildiyini bildirib. Qardaşının hələ 5 yaşında olduğunu deyən Haman "qardaşım futbolu çox sevir və Messinin qatı pərəstişkarıdır. Ona forma ala bilmədiyimizdən belə bir şey etdik və eyni rəngdəki polietilen paketə "Messi" yazıb ona geyindirdik. Bu onu çox sevindirdi", deyə bildirib.
Messi heyranı Murtaza isə "Təhsilimi tamamlamaq üçün mənə kömək etsin. Futbolçu olmaq istəyirəm. Messi kimi olmaq istəyirəm" deyib.
