Ölkə.az-ın yazısına görə klubda təcili toplantı keçirildi

Ötən gün saytımızda yayımlanan "Cahangir Hacıyevin azadlıqda olan "sağ əli" necə vəzifəyə gətirildi? — İLGİNC TƏFƏRRÜATLAR" adlı yazı "İnter" futbol klubunda böyük səs-küyə səbəb olub.

Əldə etdiyimiz məlumata görə, klub rəhbərliyi iclas keçirərək, informasiyanın kimdən çıxması barədə əməkdaşları sorğu-sual edib. Komandanın əsas maliyyə mənbəyi olan Beynəlxalq Bankın idarə heyətinin sədri Elmar Məmmədov isə "İnter"in prezidenti Rəşad Qasımovdan yazılanlar barədə hesab tələb edib. İş o həddə çatıb ki, bank rəhbəri klub prezidentinə tezliklə mətbuta informasiya ötürən mənbənin tapılmasını tapşırıb.

Qeyd edək ki, yazıda son günlər "İnter" klubunda baş verən narazılıqlardan bəhs olunurdu.

İntiqam VALEHOĞLU
Ölkə.az