Qurban Qurbanov “Qalatasaray”la oyundan danışdı
Azərbaycan Premyer Liqasının 24-cü turunda "Qarabağ" doğma azarkeşləri önündə "Zirə" 2:0 hesabı ilə məğlub edib.
Ölkə.Az xəbər verir ki, qarşılaşmadan sonra ağdamlıların baş məşqçisi Qurban Qurbanov qələbəni şərh edib.
"Vacib 3 xal qazandıq. "Zirə" ən yaxın rəqibimiz idi. Futbolçularımız düzgün oyun qurdular. Ümumən nəticəyə oynamağı bacardılar. Rəqib hesabda geridə olsa da. öz oyun üslubundan əl çəkmədilər. Daha çox əks hücumlara belə bağlayırdı. Bundan yararlana da bilərdilər".
- Mahir Mədətov ardıcıl ikinci oyunda qol vurur. Bu gün də qol vuranda əl hərəkətləri ilə sanki "məndən yoxdu" demək istədi. Ulduz xəstəliyinə tutulsa, bu ona problem yaratmayacaq?
- Mahir söylədiyiniz fikrə meyilli futbolçudu. Futbolçular vurduğu qolu yox, çatışmayan cəhətlərini düşünməlidi. Futbolçunun peşəsi qol vurmaqdı. Mahirin üstün cəhəti odu ki, istəklidi. Dediyiniz həqiqəti mən də gördüm. Nə qədər mənim yanımdadı, sadə olmalıdı. Bunu bacarmasa, "Qarabağ"da qalmayacaq.
- Bir epizodda azarkeşlə mübahisə etdiz...
- Lider olmaq istəyiriksə, xal itirməli deyilik. Çalışırıq ki, hər oyunda maksimum nəticə əldə edək. Azarkeşlər toxunulmazdı. Hər hansı fikir bildirə bilmərik. Həmin zonada tanıdığımız, gördüyümüz azarkeşlərdi. Buna görə də irad bildirməyimdə problem yoxdu (gülür). Düşünərəm ki, azarkeşlər də təhqiramiz ifadələrə yol verməməlidi.
- "Qalatasaray"la oyun baş tutsa, bu, "Qarabağ"a nə qazandıra bilər?
- Belə danışıqlar olub. Sadəcə, bu oyun haqda az fikir bildirmək istəyirəm. Qarşılaşma ətrafında ajeotaj olmasını istəmirəm. Çünki futbolçularımıza təsir edə bilər, çempionat yaddan çıxar. Klubda da demişəm ki, oyun ətrafında danışıqlar az olsun. Əsas məqsədimiz çempionatdı. Türk Hava Yolları oyunu təşkil etmək istəyir. Hələ ki, yekun qərr verilməyib. Bu gün qəti fikir yoxdu.
