“Qarabağ”ın məhşur futbolçusu əməliyyat olundu

“Qarabağ” Futbol Klubunun yarımmüdafiəçisi Rahid Əmirquliyev əməliyyat olunub.

Ölkə.Az-ın ans press-ə istinadən məlumatına görə, qış transfer pəncərəsi zamanı komandamızın sıralarına qoşulan milli futbolçu təlim-məşq toplanışı zamanı zədələnərək təxminən 1 ay yaşıl meydanlardan uzaq qalmışdı. Zədəsini sağaldaraq martın 2-sində “Sumqayıt”la keçirilən kubok mücadiləsində ilk dəfə ”Qarabağ” klubunun start heyətində meydana çıxsa da elə ilk hissədəcə də yenidən zədələnib.

Zədə alan 27 yaşlı futbolçu Almaniyaya əməliyyata göndərilib və futbolçu uğurla əməliyyat olunub. Futbolçu hazırda reabilitasiya dönəmini keçirtməkdədir. R. Əmirquliyevin gələn həftə Bakıya qayıtması gözlənilir.

Qeyd edək ki, Rahid Əmirquliyev 5 dekabr 2015-ci ildə Qarabağ ilə 2.5 illik müqavilə imzalayıb, yardımmüdafiəçi qismində çıxış edir.