“Hakim səhvi oyunun nəticəsinə təsir etdi”

Azərbaycan Premyer Liqasının XXV turu çərçivəsində səfərdə "Kəpəz"in qonağı olan "Xəzər Lənkəran" 0:2 hesabı ilə məğlub olub.

Ölkə.Az-ın sportal.az-a istinadən məlumatına görə, oyundan sonra keçirilən mətbuat konfransında "Xəzər Lənkəran"ın baş məşqçisi Elbrus Məmmədov bunları qeyd edib:

"Əvvəla, rəqibi qələbə münasibətilə təbrik edirəm. Lakin, onu demək istəyirəm ki, hesab oyuna görə olmadı. Kənardan izləyənlər də bu qənaətdədir. Komandama məğlub olmağımıza baxmayaraq, təşəkkür edirəm. Ard-arda ikinci matçdır ki, hakim səhvindən ilk qolu buraxırıq. Təbii ki, buna təəssüflənirəm. Hakim səhvi oyunun nəticəsinə təsir etdi".