“Heç kimin yeri təmin olunmayıb”

Topaz Premyer Liqasının 26-cı turu çərçivəsində keçirilən "Neftçi" - "Kəpəz" qarşılaşmasından sonra meydan sahiblərinin baş məşqçisi Vəli Qasımovun iştirakı ilə mətbuat konfransı keçirilib.

Ölkə.Az futbolinfo.az-a istinadən xəbər verir ki, Rusiya çempionatlarının ilk bombardiri olmuş sabiq hücumçu 2:3 hesablı məğlubiyyətə layiq olmadıqlarını bildirib:

- "Kəpəz"i qələbə münasibəti ilə təbrik edirəm. Ancaq biz bu gün məğlubiyyətə layiq deyildik.

- Hansısa radikal dəyişikliyə ehtiyac duyursunuzmu?
- Bunun üçün əsasımız olmalıdı. Xeyli oyunçularımız müxtəlif yaş qrupları üzrə milli komandalarımıza dəvət alırlar. Fərdi qaydada kifayət qədər güclü futbolçularımız var.

- Maksim Vaylo 2 oyunda çıxış etdi və komandanız məğlub olmadı. İndi isə Aqil Məmmədova etimad göstərdiniz və ilk qolu rəqibinizə hədiyyə etdi. Bu qənaətə gəlmək olar ki, növbəti turdan Vaylonun önündə "yaşıl işıq" yandırılacaq?
- Hər şey ola bilər. Heç kimin yeri təmin olunmayıb. Maksim qapıda dayandığı hər iki oyunda inamlı təsir bağışladı. Düşündük ki, Aqil millinin qapıçısıdı, o, komandamıza daha çox xeyir verə bilər.