“Barselona”dan penalti rekordu

Bu gün La Liqanın 30-cu turunda “Vilyarreal”la oyunda (2:2) “Barselona”nın lehinə növbəti penalti zərbəsi təyin olunub.

Ölkə.Az-ın Qol.az-a istinadən yaydığı xəbərə görə, bu, hazırkı mövsümdə Kataloniya təmsilçisinin İspaniya çempionatında qazandığı 16-cı penalti olub. Bununla da Luis Enrikenin komandası “Betis”ə məxsus olan rekordu (1986/87 mövsümü, 16 penalti) təkrarlayıb.

Qeyd edək ki, bugünkü oyundakı penaltini Neymar dəqiq yerinə yetirib.

Ölkə.Az