Çin klubu onun ilinə 75 milyon verir
PSJ-nin hücumçusu Zlatan İbrahimoviç Çində oynamağa razılıq versə, o zaman dünyanın ən çox gəlir əldə edən futbolçusu olacaq.
Qol.az-ın xəbərinə görə, bu haqda İtaliyanın “La Repubblica” qəzeti məlumat yayıb.
Transferlərə xərclədiyi böyük məbləğdə pullarla diqqəti özünə çəkən Çin superliqasının İbrahimoviçi özünün siması etmək istədiyi bildirilir.
Qəzet iddia edir ki, əgər İbra Çində oynamağa razılıq versə, o zaman bir il üç fantastik məbləğ – 75 milyon avro qazanacaq ki, bu da rekord göstəricidir. Hələlik isveçli hücumçunun hansı klub üçün təklif edildiyi açıqlanmır.
Yalnız məlum olan budur ki, 34 yaşlı futbolçunu superliqaya Çinin hakimiyyəti cəlb etmək istəyir.
Qeyd edək ki, bu mövsümün sonu İbrahimoviç hazırda çıxış etdiyi PSJ-dən ayrılacağını açıqlayıb.
Əlavə edək ki, “Forbes” jurnalının 2015-ci il üçün hesablamasına görə, dünyada klubundan ən çox gəlir əldə edən futbolçu Kriştiano Ronaldodur. Portuqaliyalı ulduz maaş və bonuslardan illik 52,2 milyon gəlir əldə edir. Futbolçu daha 26,8 milyon dollar isə reklam etdiyi şirkətlərdən qazanır.
Zlatan İbrahinoviç isə üçün son siyahida üçüncü olub (klubdan – 41,8 milyon, reklamdan 6 milyon dollar).
