Şahmat üzrə dünya çempionu Bakıya gələcək
Şahmat üzrə dünya çempionu, norveçli qrossmeyster Maqnus Karlson öz ölkəsinin yığma komandasının heyətində Bakıda keçiriləcək Ümumdünya Şahmat Olimpiadasında iştirak edəcək.
Ölkə.Az Azerisport.com-a istinadən xəbər verir ki, Olimpiadanın keçirilmə vaxtının dünya çempionluğu uğrunda oyuna hazırlıq dövrünə təsadüf etməsinə baxmayaraq, şahmatçı belə bir qərar verib.
“Əgər hər hansı bir gözlənilməz hal baş verməsə, əlbəttə ki, Bakı Olimpiadasında iştirak edəcəyəm”, - Maqnus belə deyib.
Xatırladaq ki, Ümumdünya Şahmat Olimpiadası bu payız Azərbaycan paytaxtında təşkil olunacaq.
