Messi şəhər boyda restoran açır
Arqentinalı futbolçu Lionel Messi Barselonada sahəsi min kvadrat metr olan restoran açır.
Restoran Bellavista del Jardin del Norte adlanacaq.
Futbolçu ilə birlikdə restoranın sahibləri onun böyük qardaşı Rodriqo Messi, həmçinin restoran biznesinin məşhur simaları İqlesias qardaşları da olacaq.
Müəssisə Enric Granados, 86 ünvanında yerləşəcək və minitaür şəhər formasında tikiləcək. Burada meydan, bağlar, kiosklar və barlar inşa olunacaq.
Qeyd olunur ki, restoranın hər zalında müxtəlif mətbəxlərin yeməkləri təklif ediləcək. Restorana Mişlen ulduzları ilə təltif olunan aşpazlar dəvət olunacaqlar.
Restoranda həmçinin kino və futbol yayımlarına baxmaq, video oyunlar oynamaq, kitabxanada kitab oxumaq mümkün olacaq. Ərazidə həmçinin diskoteka fəaliyyət göstərəcək.
Həmçinin müştərilər futbolçunun nəaliyyətlərinin nüsxələrini görə biləcəklər. (oxu.az)
