Dünya çempionumuzdan növbəti uğur

Türkiyənin Samsun şəhərində Boks üzrə Rio Olimpiya Oyunlarına lisenziya xarakterli yarış davam edir.

Ölkə.az-ın məlumatına görə, yarışın üçüncü günündə rinqə dörd təmsilçimiz çıxıb. Qadınların yarışında 60 kq çəki dərəcəsində mübarizə aparan Yana Alekseyevna türkiyəli Gülsüm Tatarı məğlub etməyi bacarıb. 75 kq çəki dərəcəsində mübarizə aparan təmsilçimiz Yelena Vstropova da yerli idmançı ilə üz-üzə gəlib. Ancaq o, Sema Çalışkan səddini keçməyi bacarmayıb. Kişi boksçularımızdan isə Lorenso Sotomayor (64 kq) irlandiyalı Din Volşu mübarizədən kənarlaşdırıb. Ən ağır çəkidə mübarizə aparan ikiqat dünya çempionumuz Məhəmmədrəsul Məcidov da irland rəqibinə qalib gəlməyib bacarıb.

Xatırladaq ki, qalib gələn boksçular aprelin 17-də yekunlaşacaq yarışın 1/4 finalına vəsiqə qazanıblar.

İntiqam VALEHOĞLU
Ölkə.az