Üç boksçumuz yarımfinalda

Türkiyənin Samsun şəhərində keçirilən Avropa qitəsi boksçularının lisenziya xarakterli turniri davam edir.

Ölkə.az xəbər verir ki, artıq üç idmançımız yarımfinala adlayıb. 64 kiloqram çəki dərəcəsində mübarizə aparan Lorenso Sotomayor yunanıstanlı Aleksandros Tsanikidisi rinqə çıxmağa peşman edib. 81 kiloqramda döyüşən idmançımız Teymur Məmmədov isə türkiyəli Mehmet Ünala uduzaraq medal şansını itirib.

Ən ağır çəkidə Azərbaycanı təmsil edən Məhəmmədrəsul Məcidov italiyalı Quido Vianelloyanı, 60 kiloqram çəki dərəcəsində döyüşən xanım idmançımız Yana Alekseyevna finalda isveçli Anye Aleksiussonu mübarizədən kənarlaşdırıb.

İntiqam VALEHOĞLU
Ölkə.az