“Futbolçulara hakimlə mübahisə etməməyi tapşırmışdım”
Xəbər verdiyimiz kimi, Topaz Premyer Liqasında 32-ci turunda "Qarabağ" doğma meydanda "İnter"i 2-0 hesabı ilə məğlub edib.
Ölkə.Az xəbər verir ki, oyundan sonra Qurbanov jurnalistlərə açıqlama verib:
"Çox vacib 3 xal qazandıq. Bəzi futbolçular istədiyim oyunu sərgiləməsə də, nəticə istdiyimiz kimi oldu. "İnter"ə gələn oyunlarda uğurlar arzulayıram. Düzü, bu komandaya qarşı daha iki oyunumuz var. Bəlkə də, buna görə rəqib öz gücünü gizlətdi. Düşünürəm ki, bu oyun bizi rahatlaşdırmamalıdı. "İnter" Azərbaycanın ən samballı klublarından biridi. Bu gün "Qarabağ" bu kluba tək ayaqla qalib gəldi...
Baş məşqçi daha sonra Avrokuboklardan da danışıb:
"Avrokuboklara qatılmaq üçün ilk öncə Azərbaycan çempionatında yüksək yerlər tutmalıyıq. Komandamızda bəzi çatışmazlıqlar var. Çalışacağıq bunu aradan qaldıraq".
Qurbanov Aqollinin hakimə etiraz etməsinə də toxunub:
"Oyundan öncə futbolçulara hakimlə mübahisə etməməyi tapşırmışdım. Həmin epizodda Aqolli hakimə etiraz etdiyi üçün əsəbiləşdim. Həm də ki, Kintana və Miçelə də əsəbiləşdim. Çünki, hakim Rəvan xırda epizodalara görə oyunu çox saxlamır, açıq oyuna üstünlük verən hakimdi. Ona görə də, adi epizodlara görə onunla mübahisə etməyə gərək yoxdu.
