Ronaldu “Avro-2016”nı buraxa bilər
Madridin “Real” klubunun və Portuqaliya yığmasının hücumçusu Kriştianu Ronaldu “Avro-2016”nı buraxa bilər.
Bu barədə Portuqaliya komandasının həkimi Nunu Kumpuş bildirib
O qeyd edib ki, futbolçunun hazırki zədəsinin sağalması üçün 18-21 gün vaxt lazımdır.
“Lakin əgər Kriştianu Çempionlar Liqasının yarımfinal mərhələsinin “Mançester Siti”yə qarşı cavab oyununda iştirak etsə zədəsini ağırlaşdıra bilər. Bu zaman o, “Avro-2016”nı buraxmalı olacaq”, - Kampuş deyib.
Xatırladaq ki, Ronaldu aprelin 20-də İspaniya Çempionatında “Vilyarreal”a qarşı matçda zədələnib (3:0).
Qeyd edək ki, “Mançester Siti” ilə cavab qarşılaşması mayın 4-də keçiriləcək.
Ronaldu bu mövsüm 44 oyunda 47 qol vurub. (oxu.az)
