“Səhvlərimizdən istifadə edib qazandılar...”
Premyer Liqanın XXXII turunun “Qəbələ” – “Neftçi” oyunundan (2:2) sonra “qırmızı-qaralar”ın baş məşqçisi Roman Qriqorçukun mətbuat konfransı keçirilib.
Ölkə.Az ukraynalı mütəxəssisin fikirlərini təqdim edir:
“Bu qarşılaşmada qalib gəlmək istəyirdik. Çünki turnir cədvəlində irəliləmək üçün bizə xal lazımdır. Bu, alınmadı. Təbii ki, nəticədən razı qala bilmərik. Oyuna gəlincə, hər şey fərqli də ola bilərdi. Yenə deməliyəm ki, imkanlardan istifadə baxımından heç nə dəyişməyib. Düzdür, iki qol vurduq. Amma bundan üç dəfə artığını da vura bilərik. Lakin bunu gerçəkləşdirmədik. Rəqibi də qeyd etmək lazımdır. O qədər də çox olmayan səhvlərimizdən istifadə edib, qeydə alınan nəticəni qazandılar”.
