Avroliqanın finalı bu qadına görə dayandı
Dünən CSKA və “Fənərbaxça” arasında keçirilən basketbol üzrə Avroliqanın finalında qeyri-adi sayıla biləcək hadisə baş verib.
Qol.az-ın xəbərinə görə, oyunun gedişatı zamanı “Fənərbaxça”nın hücumçusu Nikola Kaliniç matçı birincı sırada izləyən rus qadın azarkeşin üzərinə yıxılacaqmış. Bu zaman qadının yanında olan onun əri, “Sibur-holdinq”in sədri Dmitri Konov basketbolçunu itələmək məcburiyyətində qalıb.
Bundan sonra basketbolçu ilə iş adamı arasında mübahisə yaranıb. Rus iş adamının basketbolçunu itələməsi türk azarkeşlərin də narazılığına səbəb olub. Hadisəyə görə final bir neçə dəqiqəlik dayandırılıb. Tərəfləri sakitləşdirildikdən sonra oyun davam etdilib.
