Uduzan güləşçinin komandası rəqibə silah çəkdi
Yeniyetmələr arasında keçirilən güləş üzrə Rusiya çempionatında qalmaqal baş verib.
Ölkə.Az-ın qol.az-a istinadən xəbərinə görə, məğlubiyyəti həzm edə bilməyən çeçen idmançı qarşılaşma bitən kimi gözlənilmədən rəqibinin üzərinə hücum edib. Bundan sonra Çeçenistan komandasının tərkibinə daxil olan şəxslər meydana daxil olub.
Bu zaman onlardan biri tapança çıxararaq hədə-qorxu gəlməyə başlayıb. Lakin sonradan aranı sakitləşdirmək mümkün olub və heç kimə silahla xəsarət yetirilməyib.
