"Formula-1"in rəhbərliyini məhkəməyə verdilər

Həlak olmuş pilotun ailəsi "Formula-1" rəhbərliyini məhkəməyə verir

Ölkə.Az xəbər verir ki,"Formula-1" pilotu, Jül Byankinin ailəsi onun ölüm faktı ilə bağlı məhkəmə iddiası qaldırıb. 25 yaşlı fransız 2014-cü ilin oktyabr ayında Yaponiyada keçirilən yarışlarda ölümcül yaralanaraq daha sonra ölüb.

Byankanın ailəsinin vəkilləri "Formula-1" rəhbərliyini və pilotun üzvü olduğu Marussia komandasını, həmçinin "Formula One Group"u məhkəməyə verməyə hazırlaşır.

Həlak olan idmançının ailəsi əmindir ki, yarışların cədvəlində, təşkilati işlərində xətalara yol verilib. "Yaponiyada sürət yarışları təhlükəli şəraitdə, qasırğalar mövsümündə təşkil edilib", deyə onlar bildiriblər.

Ailənin vəkili iddia edir ki, Byanki səhlənkarlığın qurbanı olub. "Biz Byanki üçün ədalət tələb edirik", deyə ailənin vəkili bildirib.

Byanki 2015-ci il iyulun 17-də qəzadan 9 ay sonra həlak olub.

İlhamə
Ölkə.Az