Yığmamız dünya çempionatını məğlubiyyətlə başa vurdu
Voleybolçu qadınlardan ibarət Azərbaycan milli komandası bu gün İtaliyada keçirilən dünya çempionatında son oyununa çıxıb.
Millimiz Almaniya yığması ilə qarşılaşıb.
Artıq E qrupunda mübarizəni davam etdirəcək komandaların adlarına aydınlıq gəlib. Çin, İtaliya və Dominikan Respublikası bugünkü oyunların nəticəsindən asılı olmayaraq, qrupda ilk 3 yerin sahibləri kimi 3-cü mərhələyə vəsiqə qazanıb. Millimiz isə Almaniya üzərində qələbə qazanmaqla yalnız qrupda 4-5-ci yerlərə iddia edə bilərdi. Anaq voleybolçularımız Almaniya ilə görüşdə də məğlub olub - 0:3.
5 xal toplayan millimiz dünya çempionatının E qrupunu 7-ci pillədə tamamlayıb. (qol.az)
Ölkə.Az
Ölkə.Az
