UEFA "Qarabağ"la oyunöncəsi "Dnepr"i cəzalandırdı
UEFA "Qarabağ"ın Avropa Liqasının qrup mərhələsindəki rəqibi "Dnepr"ə cəza tətbiq edib.
Buna Ukrayna təmsilçisinin azarkeşlərinin Avropa Liqasının qrup mərhələsinin ilk turunda "İnter"lə matçda irqçi şüarlar səsləndirməsi və məşəl yandırması səbəb olub. Buna görə də "Dnepr"in növbəti - "Qarabağ"la matçında stadionun B 41 sektoruna azarkeş buraxılmayacaq. Bundan başqa, həmin sektora "Rasizmə yox" banneri yerləşdirəcək.
"Dnepr" həmçinin UEFA-ya 24 min avro cərimə ödəməli olacaq.
Qeyd edək ki, “Dnepr” - “Qarabağ” matçı oktyabrın 23-də keçiriləcək./Trend/
Ölkə.Az
