Azərbaycan millisinin hücumçusu Türkiyə Superliqasında oynayacaq
Azərbaycan millisinin voleybolçusu Yana Kulanın (Ağayeva) yeni mövsümdə də Bakı klublarında oynamayacağı dəqiqləşib.
Ölkə.Az apasport.az-a istinadən xəbər verir ki, 28 yaşlı hücumçu karyerasını Türkiyədə davam etdirəcək.
Ötən mövsümün sonunu II liqada oynayan “Balıkesir”də keçirən milliləşdirilmiş voleybolçu 1 illik fasilədən sonra yenidən Superliqada oynayacaq. O, 2014/2015 mövsümündə şərəfini qoruduğu “Çanaqkala Bld” klubuna qayıdıb. Hazırda Fransada yığmamızın düşərgəsində olan təmsilçimiz köhnə-yeni komandası ilə 1 illik müqaviləyə imza atıb.
Qeyd edək ki, Yana Cənubi Koreyanın “Hyundai”, Polşanın “Atom” və Çinin “Beijung” klublarında da legioner həyatı yaşayıb.