Erməni idmançılar Bakıya gəlməkdən imtina edirlər

"Dördgünlük müharibədən sonra erməni komandasının Olimpiadada iştirakı tamamən mənasızdır"

Ölkə.Az Ermənistan KİV-lərinə istinadən xəbər verir ki, erməni şahmatçılar sentyabrda Bakıda keçiriləcək Dünya Şahmat Olimpiadasında iştirak etmək istəmirlər.

“Hesab edirəm ki, dördgünlük müharibədən sonra erməni komandasının Olimpiadada iştirakı tamamən mənasızdır, amma şahmatçılarımızın ora getməsi barədə söhbət gedir. Bu məsələ üzrə qərar qəbul edilməyib”, - qrossmeyster Rafael Vaqanyan deyib.

O bunu keçən il azərbaycanlı şahmatçıların Tsaxkadzorda keçirilən komandalar arasında dünya çempionatında iştirak etmək üçün Ermənistana gəlməkdən imtina etməsi ilə əlaqələndirib. Erməni şahmatçılar keçən payızda Bakıda keçirilən Dünya kuboku uğrunda yarışlara qatılmışdılar.

Ermənistan Şahmat Federasiyasının vitse-prezidenti Ovik Xalikyan erməni idmançılarının Azərbaycanda keçirilən hər hansı yarışda iştirakını alqışlamadığını bildirib.

İlhamə
Ölkə.Az