F1 yarışlarının keçirildiyi 5 ən uzun halqa
Spa-Francorchamps
Belçika Grand Prix-nə ev sahibliyi edən halqa avtomobil yarışlarının keçirildiyi fəaliyyətdə olan ən uzun halqadır. Onun uzunluğu 7,004 km-dir.
1920-ci ildə tikilmiş halqa əvvəllər ictimai yol kimi istifadə edilib. O, 1921-ci ildə keçirilməsi planlaşdıran yarış üçün dizayn edilib. Lakin daha sonra tədbir təxirə salınıb.
Beləliklə da halqada ilk avtomobil yarışı 1922-ci ildə keçirilib. Halqa Grand Prix yarışları üçün ilk dəfə 1925-ci ildə istifadə edilib.
Bakı Şəhər Halqası
Azərbaycan paytaxtındakı avtomobil yarışı üçün nəzərdə tutulmuş halqa Avropa Grand Prix-in keçirildiyi ən uzun halqadır. Onun uzunluğu 6,003 km təşkil edir.
Ümumiyyətlə isə Bakı Şəhər Halqası F1 cədvəlində Belçikadakı Spa-Francorchamps-dən sonra ikinci uzun halqa sayılır.
Halqanı Hermann Tilke dizayn edib. Yarışlar Azadlıq meydanından başlayaraq Hökumət Evininin ətrafından keçəcək və Qız Qalası, İçəri Şəhər və Nefçilər prospektini keçməklə başlanğıc nöqtəsinə gələcək.
Silverstone Halqası
İngiltərədə yerləşən halqa İngiltərənin Northamptonshire əyalərindəki Silverstone kəndinə yaxın yerləşir.
Onun uzunluğu 5,891 km-dir. Hazırda burda Britaniya Grand Brix-nin yarışları keçirilir. Halqa ilk dəfə 1948-ci ildə Britaniya Grand Prix-in yarışlarına ev sahibliyi edib.
Halqa 1943-cü ildən bəri fəaliyyət göstərir.
Soçi Avtodromu
Halqa 2014-cü ildən bəri Rusiya Grand Prix-ni həyata keçirir.
Krasnodar vilayətindəki Soçi şəhərində yerləşən bu halqa, əvvəllər Soçi Beynəlxalq Küçə Halqası və Soçi Olimpiya Parkı Halqası kimi tanınıb.
Onun uzunluğu 5,848 km-dir. O, 2014-cü il Qış Olimpiya Oyunlarının keçirildiyi Olimiya kompleksinin ətrafında salınıb.
Halqada keçirilmiş yarışlarda dövrə rekordu Almaniyadan olan Nico Rosberg-ə məxsusdur.
Suzuka Halqası
Onun uzunluğu 5,807 km dir. Yaponiyanın Suzuka şəhərində yerləşən halqa 1962-ci ildə fəaliyyətə başlayıb.
Burada Yaponiya Grand Prix-in yarşları keçirilir.
