Fanatları Arda Turandan üz çevirdilər

Ölkə.Az Türkiyə KİV-lərinə istinadən xəbər verir ki, Avro-2016-dakı zəif çıxış etdiyinə görə fanatları Türkiyə yığmasının kapitanı Arda Turanın Barselona şəhərindəki evini “yumurta atəşi”nə tutublar.

Azarkeşlər İspaniya ilə matçda məğlubiyyətə görə Ardanı fitə basmışdılar. Lakin ispaniyalılar yüksək mədəniyyət sərgiləyərək rəqib komandanın kapitanına dəstək olmuşdular.

Çempionat zamanı azarkeşlərdən biri meydana çıxaraq Fatih Terimə və futbolçulara söyməkdən belə çəkinməmişdi.

Qeyd edək ki, Türkiyə prezidenti Rəcəb Tayyib Ərdoğan da Fatih Terimi və Arda Turanı dəstəkləyərək bu cür davranışların türklərə yaraşmadığını bildirmişdi.

İlhamə
Ölkə.Az