Messidən gözlənilməz qərar
Lionel Messi Argentina yığmasında karyerasını başa vurduğunu bəyan edib.
Ölkə.Az xəbər verir ki, Argentina millisinin hücumçusu Lieonel Messi daha Argentina yığma komandasına oynamayacağını bəyan edib.
“Mən bu qərarı özüm üçün, həm də bunu istəyənlər üçün edirəm. Bu qərarı qəbul etmək olduqca çətin idi, lakin mən onu dəyişməyəcəyəm”, - deyə Messi bildirib. Buna səbəb Argentina Millisinin Amerika futbol çempionatında ard-arda məğlubiyyətə uğraması olub.
İyunun 26-da Amerika Kubokunun final oyununda Argentina və Çili yığmaları üz-üzə gəlib. Oyunda hesab açılmadığından qalibi onbir metrlik cərimə zərbələri müəyyənləşdirib. Messi penalti zərbəsini vura bilməyib. Çili yığması Argentinanı 4-2 məğlub edərək ikinci dəfə Amerika Kubokunun qalibi olub.
