"Qəbələ" Gürcüstanda uduzdu
Bu gün Avropa Liqasında I təsnifat mərhələsinin cavab oyunları keçirilib.
Qol.az-ın məlumatına görə, təmsilçilərimizdən “Qəbələ” də növbəti oyununa çıxıb.
Roman Qriqorçukun komandası səfərdə Gürcüstanın “Samtredia” klubu ilə qarşılaşıb.
Bakıda keçirilən ilk görüşdə rəqibinə 5:1 hesabı ilə qalib gələn “Qəbələ” cavab oyununda 1:2 hesabı ilə uduzub. Buna baxmayaraq, "Qəbələ" növbəti mərhələyə yüksəlib.
Qeyd edək ki, "Qəbələ" ikinci təsnifat mərhələsində
MTK (Macarıstan) - "Aktobe" (Qazaxıstan) cütünün qalibi ilə qarşılaşacaq. Bu komandalar arasında ilk oyun 1:1 hesabı ilə başa çatıb.
7 iyul
Avropa Liqası, I təsnifat mərhələsinin cavab oyunu
19:00. "Samtredia" (Gürcüstan) - "Qəbələ" (Azərbaycan) - 2:1
Qollar: Zivzivadze, 14-pen (1:0), Uiks, 42 (1:1), Şerqelaşvili, 90+2 (2:1)
İlk oyun - 1:5
Baş hakim: Georgios Kizas
Yan xətt hakimləri: Çasan Koula, İoannis Sipkas
Zestafoni. David Abaşidze adına stadion