\"Qarabağ\" Çempionlar Liqasının üçüncü mərhələsində
Çempionlar Liqasında II təsnifat mərhələsinin cavab oyunları davam edir.
Azərbaycan çempionu "Qarabağ" bu gün növbəti matçına çıxıb.
Ağdam təmsilçisi Lüksemburqda "Düdelanj"lın qonağı olub. Bakıda rəqibinə 2:0 hesabı ilə qalib gələn "Qarabağ" cavab qarşılaşmasında heç-heçə edib - 1:1.
Bu nəticə ilə Ağdam klubu növbəti mərhələyə yüksəlib.
Qeyd edək ki, "Qarabağ" III təsnifat mərhələsində Çexiyanın "Viktoriya" klubu ilə qarşılaşacaq. (qol.az)
20 iyul
Çempionlar Liqası, II təsnifat mərhələsinin cavab oyunu
20:00. "Düdelanj" (Lüksemburq) - "Qarabağ" (Azərbaycan) - 1:1
Qollar: Ndaye, 72 (1:0), Reynaldo, 90+4 (1:1)
Reallaşdırılmayan penalti: Turpel, 37 ("Düdelanj") - qapıçı
İlk oyun - 0:2
Baş hakim: Kevin Klansi idarə edəcək.
Köməkçi hakimlər: Stevenson Styuart və Karr Sin
Dördüncü hakim: Robertson Donald (hamısı Şotlandiya)
"Jos Nosbaum" stadionu.