Kriştianu Ronaldo döyüş rinqinə çıxdı
İspaniyanın "Real" (Madrid) klubu və Portuqaliya yığmasının forvardı Kriştianu Ronaldo UFC versiyası üzrə yarımyüngül çəkidə absolyut dünya çempionu Konor MakQreqorun məşq bazasına baş çəkib.
Ölkə.Az milli.az-a istinadən bildirir ki, MakQreqor ABŞ-ın Nevada ştatındakı Las-Veqas şəhərində yerləşən bu bazada Neyt Diasla revanş matçına hazırlaşır.
Döyüş rinqinə çıxan Ronaldo çempion döyüşçü ilə məşq edib.
İrlandiyalı Konor MakQreqor portuqaliyalı futbolçunun fiziki hazırlıq səviyyəsini yüksək qiymətləndirib.
MakQreqorla Dias arasındakı revanş matçı avqustun 20-də Las-Veqasdakı uFC 202 turnirində olacaq.
Matçın mart ayında keçirilmiş ilk döyüşündə amerkialı Dias irlandiyalı MakQreqoru 2-ci raundda "boğmuşdu".
