“Tofiq Bəhramovu tanımıram"
Çempionlar Liqasının III təsnifat mərhələsinin cavab oyununda sabah "Qarabağ"ın qonağı olacaq Çexiyanın "Viktoriya" klubunun baş məşqçisi Roman Pivarnik mətbuat konfransında iştirak edib.
Ölkə.Az qafqazinfo-ya istinadən xəbər verir ki, o, jurnalistlərin cavablandırıb.
“Qarabağ” güclü komandadır və müdafiə xətti ilə seçilirlər. Ağır oyun olacaq.
- Şansları necə qiymətləndirirsiz?
- Çalışacağıq ki, qol vuraq. Penaltilər seriyasını heç bir klub istəmir. Şanslar bərabərdir.
- Sabah hava isti olacaq. Komandanıza problem yaratmayacaq?
- Bizim belə oyunlarımız çox olub. Avstriyada 33 dərəcə istidə oynamışıq. Moskvada isə 4 dərəcədə. Heç bir problem olmayacaq.
- Həftəsonu “Yilava” klubu ilə çempionat oyununda qarşılaşdınız. Komandada yorğunluq yoxdu?
- Biz komandanı elə bölmüşük ki, futbolçulara yorğunluğun təsiri olmur.
- Çexiyalı hakim Miroslav Zelinka “Qarabağ”ın təmiz qolunu “İnter”lə matçda qeydə almamışdı. Zelinka haqda nə deyə bilərsiz?
- Bu haqda heç bir məlumatım yoxdur.
- Stadionun ot örtüyünün son durumu sizi qane edir?
- Stadion çox gözəldir. Bakı da həmçinin. Xoşumuza gəldi. Ancaq Tofiq Bəhramovu tanımıram. Yəqin ki, şəxsiyyətli bir insan olub.
- Zelinkadan min dəfə yaxşı hakim olub....
- ... (gülür)
- “Qarabağ” Azərbaycan üçün yaralı yerdir. Sizin bu haqda məlumatınız varmı?
- Mən müharibəyə qarşıyam. Ümid edirəm ki, bu problem tezliklə həll olunar.
