Toğrul Əsgərov: \"Biz əlimizdən gələni edəcəyik ki...\"

"Olimpiya oyunlarına böyük ümidlərlə gedirik, inanırıq ki, xalqımızı sevindirəcəyik".

Ölkə.Az Trend-ə istinadən bildirir ki, bunu Rio-de-Janeyroda keçiriləcək XXXI Yay Olimpiya Oyunlarına yola düşən Azərbaycan güləşçisi Toğrul Əsgərov deyib.

T.Əsgərov bildirib ki, idmançılar yarışlara kifayət qədər güclü hazırlaşıblar: "Olimpiya oyunlarına gedən bütün idmançılarımız peşəkardırlar. Biz əlimizdən gələni edəcəyik ki, ölkəmizə medallarla qayıdaq. Bizə yaradılan bütün bu şəraitə görə ölkə rəhbərliyinə təşəkkürümüzü bildiririk".