“Onunla işlədiyim üçün xoşbəxtəm”
Avropa Liqasının III təsnifat mərhələsində “Qəbələ” sabah ilk oyunda səfərdə 1:1 hesablı heç-heçə etdiyi “Lill”i qəbul edəcək.
Ölkə.Az qafqazinfo-ya istinadən xəbər verir ki, “Qəbələ”nin baş məşqçisi Roman Qriqorçuk mətbuat konfransında jurnalistlərin suallarını cavablandırıb.
- Hamını salamlayıram. Hər şey bizim hücumda necə oynamağımızdan aslıdır. Hər bir məşqçi istəyir ki, heyəti güclü olsun. İstədiyimiz hücumçunu almamışıq. Dayaq yarımmüdafiəçi də almaq istərdik. Öz gənc oyunçularımıza da inanırıq. Onlar inkişaf edirlər.
- “Qəbələ” əks-hücumlar üzrə oynayır? “Lill” qol vursa, B planınız var?
- Bizim üçün üstünlük əks-hücumlar deyil. Biz oyuna görə və mövqeyimizə görə çıxış edəcəyik. Mən heç vaxt futbolçularıma deməmişəm ki, A və B variantları var. Bu haqda düşünmürük. Yalnız rəqibi analiz edirik və oyunumuzu qururuq.
- Ederə qarşı xüsusi planınız var?
- Ederin səviyyəsinə hamımız bələdik. Rəqibimizin heyətinə güclü futbolçular çoxdur. Edərə qarşı xüsusi planınımız yoxdur.
- Viktor Mendi “Qəbələ”yə dəstək olub. Həmin videoya baxmısınız?
- Baxmamışam. Amma bu barədə eşitdim. Çox sevinirəm ki, Mendi bizə dəstək olub. Onunla işlədiyim üçün xoşbəxtəm. Mendiyə təşəkkür edirəm.
- “Qarabağ”ın “Viktoriya” ilə oyununu izləmisiniz?
- Məşqimiz olduğu üçün oyununu az hissəsini izlədim. “Qarabağ” haqda yalnız xoş sözlər söyləmək olar. Onlara dəstək olmaq lazımdır.
- Ötən mövsüm III mərhələni keçəndə papaq taxmışdınız. "Lill"i keçsəz, nə sürpriz edəcəksiniz?
- Tapşırıq "Lill"i keçməkdir. Sürpriz etməyə vaxtım yoxdur.
- 5:0 hesablı qələbə qazanmaq istəyirsinzimi?
- Rəqiblərimiz dəyişsə də, istəyimiz dəyişmir. İstərdik ki, 5 və ya 6 qolla qalib gələk.
