Onlar da mübarizəni dayandırdılar
Bu gün Rio-2016 Yay Olimpiya Oyunlarının üzgüçülük yarışlarında Azərbaycan yığmasının iki təmsilçisi də mübarizəyə start verib.
Ölkə.Az-ın məlumatına görə, qadınlar arasında 100 metr məsafəyə sərbəst üzmədə Fatimə Alkərimova yarışıb. 14 yaşlı idmançımız 1-ci qrupda mübarizə aparıb. 59.43 saniyə nəticə ilə öz qrupunda üçüncü olub. 4 qrupun nəticələrindən sonra Fatimənin yarımfinala yüksəlməyəcəyi dəqiqləşib, o, 41-ci yeri tutub.
200 metr məsafəyə arxasıüstə üzmədə Boris Kirillov öz gücünü sınayıb. O 2:06.74 dəqiqə nəticə ilə zəiflərin arasında sonuncu olub. Kirillov da bu nəticə ilə mübarizəni dayandırıb.
