“Rio-2016”-da yeni dünya rekordu müəyyənləşib
Rio de Janeyroda keçirilən XXXI Yay Olimpiya Oyunlarında 10000 metr məsafəyə qaçışda yeni dünya rekordu müəyyən olunub.
Efiopiyalı atlet Almaz Ayana 10000 metr məsafəni 29 dəqiqə 17,45 saniyəyə qət edərək, həm yeni dünya rekordu qırıb, həm də Rio-2016-da ölkəsinə qızıl medal qazandırıb.
Bundan əvvəl dünya rekordu 1993-cü ildə Çin idmançısı Van Çzunya yeniləyib. O, 10000 metr məsafəni 29 dəqiqə 31, 78 saniyəyə qət edib. (oxu.az)
