İnterpol: Futbol və kriket dünyanın ən çirkli oyunlarıdır

Ölkə.Az xəbər verir ki, FİFA  və İnterpol işçi qrupunun başçısı  Con Ebbot dünya idmanına ziyan verən silahlı qrupun mövcudluğu haqqında məlumayt yayı.

Ebbot bəyan edib ki, idman yarışlarında sirli maxinasiyaların verdiyi əsas ziyan  Rusiya, Çin, ABŞ, İtaliyə və bəzi Balkan ölkələrində keçirilən futbol çempionatlarından gəlir.

"Bu bir qlobal problemdir və gunu-gündən güclənməkdədir. Bizdə  bu cinayət qruplarının ABŞ, Rusiya, Çin, İtaliya və Balkanlarda keçirilən və külli miqdarda pullar əldə etdikləri danışılmış oyunlar haqqında sübutlar vardır. Bu çirk bütün idman növlərində var, lakin əsas flaqmanlar futbol və kriketdir",- deyə Ebbot bildirib.

"Bu maliyyə təhlükəsi ilə real mübarizə aparmaq məqsədilə bizə dünyanı əhatə edən daha geniş qanunvericilik bazası lazımdır. İdmanda korrupsiya faktlarının qarşısını almaq üçün bunu tənzimləyən xüsusi orqan yaradılmalıdır"

Qeyd etməliyik ki, il ərzində dünya futbolunda qanunsuz olaraq 400 milliard pul dövriyyə olunur.