Rio-2016: Zədə güləşçimizə imkan vermədi

Braziliyanın Rio-de-Janeyro şəhərində keçirilən Yay Olimpiya Oyunları davam edir.

Ölkə.Az Trend-ə istinadən bildirir ki,  yarışların 15-ci günündə Azərbaycan güləşçisi Cəmaləddin Maqomedov 125 kq çəki dərəcəsində mübarizəyə qoşulub.

1/8 final mərhələsində ABŞ təmsilçisi Tervel Dlaqnevlə qarşılaşan sərbəst güləşçimiz çətin keçən ilk hissədə 1 xal qazanıb.

İkinci hissədə isə dizindəki zədə idmançımıza yaxşı güləşməyə imkan verməyib - 5:6.

Beləliklə, T.Dlaqnev finala yüksələcəyi təqdirdə, C.Maqomedov bürünc medal uğrunda təsəlliverici görüşlərə qatılacaq.