Olimpiya mükafatçısı

Ölkə.Az Türkiyə mediasına istinadən xəbər verir ki, Olimpiya Oyunlarının marafon yarışları üzrə gümüş medalçısı, efiyopiyalı atlet Feyisa Lilesa dünya mediasının diqqətini özünə və ölkəsinə çəkə bilib.

İdmançı yarış bitdikdən sonra əllərini havaya qadıraraq qandallanma işarəsi göstərib. Daha sonra KİV nümayəndələri qarşısına keçən Feyisa ölkəsində Oromo qəbiləsinin dövlət tərəfindən təzyiqlərə məruz qaldığını, günahsız xalqın öldürüldüyünü bildirib.

"Son 9 ayda mindən artıq insan qətl edilib.Ölkəmə qayıtsam məni ya öldürəcəklər, ya da həbs edəcəklər. Oromo xalqının üzləşdiyi ədalətsizliyi dünyaya çatdırmaq istəyirəm. O, mənim qəbiləm, mənim xalqımdır. Hər zaman onların səsini dünyaya çatdıracam. Başqa bir ölkəyə köçmək, başqa ölkədə yaşamaq istəyirəm",- deyə idmançı bəyan edib.

İlhamə
Ölkə.Az