Olimpiya mükafatçısı 3 yaşlı uşağı xilas etmək üçün medalını satır

Ölkə.Az Rusiya KİV-lərinə istinadən xəbər verir ki, Polşalı idmançı, Rio Yay Olimpiya Oyunlarında gümüş medal qazanmış Pyotr Malaxovki 3 yaşlı xəstə uşağa kömək edə bilmək üçün medalını satmaq qərarına gəlib.

İdmançı medalını artıq hərraca qoyub. O, əldə edilən vəsaitin balaca Olekin əməliyyatına yetəcəyinə ümid edir. Olek göz xərçəngindən əziyyət çəkir və əməliyyat onun yaşaması üçün yeganə şansdır. Amerikalı həkimlər uşağın əməliyyat olunaraq sağalacağına ümid versələr də, valideynlərinin buna imkanı olmayıb. Olimpiya çempionu da bacardığı köməyi etməyə çalışır. O, Olimpiya oyunlarında qazandığı medalı və bütün mükafatları Olekin ailəsinə verəcəyini bildirib.

Malaxovski öz Facebook səhifəsində hər kəsi bu xeyirxah işə qoşulmağa çağırıb.

"İdman əlbəttə gözəldir. Lakin insan həyatı daha vacibdir. Gəlin bu balacaya kömək edək. Sizin köməyinizlə mənim gümüşüm onun həyatı üçün qızıldan daha qiymətli ola bilər",- deyə atlet yazıb.

İlhamə
Ölkə.Az