Efiopiyalı atletə dəstək üçün 40 min dollar toplandı

Ölkə.Az "BBC"yə istinadən xəbər verir ki, efiopiyalı marafonçu Feyis Liles dünən dünya ictimaiyyətinə üz tutaraq özünün və üzv olduğu qəbilənin haqq səsini dünyaya çatdırdıqdan sonra kraudfandinq kampaniyası çərçivəsində ona dəstək göstərmək üçün 40 min dollar vəsait toplanıb.

Xatırladaq ki, Lilesa finiş xəttində qollarını başı üzərinə qaldıraraq çarpazlamışdı. Bu, Efiopiyanın Oromo qəbiləsində hökumətə qarşı etiraz jesti hesab olunur.

Lelesa vətəninə qayıdarsa öldürüləcəyini, Efiopiya hökumətinin oromolara qarşı sərt siyasət yürütdüyünü və onları qətl etdiyini bəyan etmişdi.

Efiopiya rəsmi dairələri bu məlumatı təkzib edərək Lilesanı ölkədə qəhrəman kimi qarşılamağa hazırlaşdığını açıqlayıb.

Lakin dövlət kanalları və KİV-lər Lilesanın etiraz səsini əks etdirən kadrları və şəkilləri nümayiş etdirməyib.

İlhamə
Ölkə.Az