Van Dam Zabit Səmədova zəng edib

Ölkə.Az xəbər verir ki, teleaparıcı Hacı Nuran Hüseynov sosial şəbəkədə maraqlı açıqlaması ilə diqqət çəkib.

Onun sözlərinə görə Hollivud ulduzu, məşhur aktyor Jan Klod Van Dam həmyerlimiz, kikboksinqin “WBC Muay Thai” növü üzrə dünya çempionu Zabit Səmədova zəng edərək onu qələbə münasibəti ilə təbrik edib.

"Van Damın fikirlərini Zabitə mən tərcümə etdim. O belə dedi-Qardaşım Zabit, sən bunu bacardın. Əhsən sənə. Afərin. Uğurların daha da çox olsun. Sənin tez bir zamanda Azərbaycanda keçirilən döyüşünü canlı izləmək mənə nəsib olsun”, - deyə Hacı Nuran yazıb.

Qeyd edək ki, Van Dam Zabit Səmədova Qroznıda Çeçenistanın keçmiş prezidenti Əhməd Hacı Kadırovun xatirəsinə həsr olunan peşəkar kikboksinq turnirindən sonra zəng edib. Həmyerlimiz, dəfələrlə Dünya və Avropa Çempionu titulunu qazanmış Zabit Səmədov bu yarışmanı da qalib kimi tərk edib.

İlhamə
Ölkə.Az