Bu gün "Avro-2020" ilə bağlı yekun qərar veriləcək

Bu gün İsveçrənin Cenevrə şəhərində keçiriləcək futbol üzrə Avro-2020 ilə bağlı yekun qərar veriləcək

Ölkə.Az xəbər verir ki, Bakının da namizəd olduğu 19 iddiaçı Avro-2020-yə ev sahibliyi edəcək 13 şəhərin adını biləcək. Bakı vaxtı ilə saat 16:00-da başlayacaq tədbirdə Avro-2020-yə ev sahibliyi edəcək 13 şəhərin adına aydınlıq gələcək. Münhen və London birbaşa olaraq Avropa çempionatının yarımfinal və final mərhələsinə ev sahibliyi etmək üçün yarışacaq. Digər namizədlər isə yalnız qrup mərhələsinin 3 oyunu və play-off-un bir görüşünu keçirmək  uğrunda mübarizə aparacaqlar. Bakı da bu mötəbər futbol yarışına ev sahibliyi etmək üçün veriləcək qərarı gözləyənlər arasındadır. 

Digər namizədlərin adları isə belədir: Minsk (Belarus), Brüssel (Belçika), Sofiya (Bolqarıstan), Kopenhagen (Danimarka), London (İngiltərə), Münhen (Almaniya), Budapeşt (Macarıstan), Dublin (İrlandiya), Yerusəlim (İsrail), Roma (İtaliya), Skopye (Makedoniya), Amsterdam (Hollandiya), Buxarest (Rumıniya), Sankt-Peterburq (Rusiya), Qlazqo (Şotlandiya), Biibao (Şotlandiya), Solna (İsveç), Kardiff (Uels) /apasport/

Ölkə.Az