AOK prezidenti Patrik Hikki azadlığa buraxıldı

Ölkə.Az xəbər verir ki, Rio-2016 Olimpiya Oyunları zamanı həbs edilmiş Avropa Olimpiya Komitəsinin prezidenti Patrik Hikki barəsində hökm çıxarılana qədər azadlığa buraxılıb.

Patrik Hikki bilet satışları ilə bağlı qalmaqala görə həbs edilmişdi.

O, Olimpiya oyunlarının biletlərinin "qara bazarda" dəyərindən qat-qat baha qiymətə satılmasına şərait yaratmaqda ittiham olunur. Prezidentin azadlığa buraxılmasına səbəb isə səhhətində yaranmış problemlərdir. Hikki istintaqa qədər ev dustağı olacaq. Hazırda Braziliyada saxlanılan Hikki vətəni İrlandiyaya təhvil veriləcək.

Xatırladaq ki, o eyni zamanda İrlandiya Olimpiya Komitəsinin prezidentidir.

Məhkəmə 71 yaşlı Patrik Hikkinin səhhətində yaranmış vəziyyəti, cəmiyyət üçün təhlükəli olmadığını və istintaqın gedişinə maneə törətməyəcəyini nəzərə alaraq onun evə buraxılmasına qərar verib.

İlhamə
Ölkə.Az