İdmançımız ermənini məğlub edib çempion oldu

Bir çox mötəbər yarışlarda Yevlaxın idman şərəfini ləyaqətlə qoruyan gənclərimiz Gürcüstanın Uraki şəhərindən də qələbə sevinci ilə qayıdıblar

Həmin şəhərdə dünyanın 5 ölkəsinin idmançıları əlbəyaxa döyüş növü üzrə keçirilən yarışda öz güclərini sınayıblar.

İran, Türkiyə, Gürcüstan, Azərbaycan və Ermənistandan olan idmançılar avqustun 28-dən 30-dək davam edən bu maraqlı yarışda tamaşaçılara gərgin anlar və xoş ovqat yaşadıblar. 240 idmançı arasında gedən mübarizədə ölkəmizi təmsil edən Nurlan Rzayev turniri ilk pillədə başa vurub. Öz çəki dərəcəsində bütün rəqiblərini üstələyərək finalda erməni ilə üz-üzə gələn həmyerlimiz onu da məğlub edib.

Qeyd edək ki, Nurlan Rzayev Yevlax şəhər 1 saylı orta məktəbinin 9-cu sinif şagirdidir./Eltv/

Ölkə.Az