"Bu oyun qrup mərhələsinin ikincisini müəyyənləşdirəcək"

Ağdamın "Qarabağ" komandası bu gün Avropa Liqasının qrup mərhələsində III tur oyununda Ukrayna "Dnepr"inin qonağı olacaq.

Oyunla bağlı milli komandamızın keçmiş baş məşqçisi Şahin Diniyev Ölkə.az-a münasibət bildirib.

Şahin Diniyev: "Bu oyun qrup mərhələsinin ikincisini müəyyənləşdirəcək. Çox çətin oyun olacaq. Azərbaycan vətəndaşı olaraq "Qarabağ"a azarkeşlik edəcəyik. "Qarabağ"ı asan rəqib gözləmir. Bu gün "Dnepr" Avropanın sanballı klublarından biridir. Sadəcə bizi çox çətin oyun gözləyir. "Qarabağ"ın şansı var qrupdan çıxmağa. Qrupdakı klubların hamısının şansı var növbəti mərhələyə çıxsın. "İnter" yəqin ki, sakit şəkildə birinci yerə çıxacaq, ikinci yer uğrunda yerdə qalan üç komanda mübarizə aparacaq. Bu oyun "Qarabağ" üçün çox vacib oyundur".

Səxavət Məmməd

Ölkə.az